पर्णवी अन मी असं गप्पाष्टक सुरू असलं की कधी कोणता विषय सुरू होईल हे सांगता येणार नाही.मागच्या आठवड्यात दुपारी मी आपलं वाचत बसलो होतो अन बाजूला बाचकं आपलं काही तरी खुडबुड करत बसलं होतं. सोबतीला अखंड बडबड सुरू होती.अन मधे मधे बाबा काय रे तुझं माझं ऐकतच नाही.
मग मी आपलं मधून हूं... बोल...मग काही तरी तुफानी प्रश्न किंवा काही तरी ज्ञानामृत अस चाललं होतं...मग अचानक गुगली पडली अन मग प्रश्न-ज्ञानामृत मिळालं...ते असं...
"बाबा....तुला माहितये का मी सिझर बेबी आहे...."
हे ऐकल्यावर एकदम लगा लगा लगा....जोर का झटका धीरे से असं झालं...
मग मी पण म्हणालं चला ऐकू या...तेवढं च जरा ज्ञानवृद्धी 🤣🤣
म्हणलं..."नाय रे पिल्या.... काय असतं ते..."
मग कपाळाला हात लावत..."बाबा...अरे इतकं पण माहीत नाही....अरे आपलं टमी असतं ना त्याला डॉक्टर काका असं कट करून मग बेबी ला बाहेर काढतात मग त्या बेबी ला बाहेर काढतात...मग ते बेबी म्हणजे सिझर बेबी...मी ग्रमी [ग्रमी म्हणजे सुजाता...सध्या आई ला आम्ही हे टोपण नाव दिल आहे..😂😂😂🤣🤣] च्या पोटात होते ना तेव्हा डॉक्टर काकांनी मला असंच बाहेर काढलं होत...समजलं का"
"अच्छा....असं होय...मला तर हे माहीतच नव्हतं...बरं झालं मला सांगितलं ते...."
"अरे उन्नी दीदी, आर्या दीदी अन आदू हे पण सेम आहेत..."
"बरं मग त्याचं काय आता..."
"अरे बाबा...जे सिझर बेबी असतात त्यांना खूप गरम होतं.. अन त्यांना सारखा फॅन हवा असतो...तुला किंवा ग्रमीला गरज नाही पडणार पण मला ,आदू ला मात्र हवा असतो "
"हो काय...म्हणजे तुम्हाला सारखा फॅन हवाच तर...."
या नंतर मग हळूच आदेश आला..."बाबा...प्लिज फॅन लावतोस का रे?"
यानंतर हो म्हणून मी मनातल्या मनात.."म्हणजे आम्ही येडे..."
तर हे असं आहे सगळं 🤣🤣🤣😂😂😂