संध्याकाळी शाळेतून परत आल्यावर पर्णवी ला यु ट्यूब वर कसलासा व्हिडिओ बघायाचा होता म्हणून मग सुजाता कडून अर्धा तासचं बघणार अशी कबुली देऊन लॅपटॉप सुरू झाला. पण नेहमी प्रमाणे पर्णवीच्या घड्याळात अर्धा तास काही होईना त्यामुळे मग सुजाता तिला समजुतीच्या स्वरात सांगू लागली की, पर्णवी तू अर्धा तास कबूल केलं होतं ना मग आता बस्स झालं.गीतेत काय सांगितलं आहे की कोणत्याही एखादया गोष्टीत वाहवत जायचं नाही.जे काही आहे ते थोडक्यात.
यावर मग कोणत्याही प्रकारची प्रतिक्रिया न देता शांततेत ऐकून घेऊन पर्णवी ने लॅपटॉप बंद केला.पण हा विषय काही इतक्या वर काही मिटला नव्हता 🤣🤣🤣
सुजाता ची सध्या परीक्षा सुरू आहे त्यामुळे तिचं सतत अभ्यास सुरू असतो.अन अभ्यास सुरू असला की DND मोड चालू होतो त्यामुळे पर्णवी ला दंगा मस्ती जरा शिस्तबद्ध करावी लागते 🤣🤣
दुसऱ्या दिवशी सकाळी पर्णवी ची शाळेला निघण्याची तयारी सुरू होती. सुजाता तिला बूट घालत होती तर पर्णवी म्हणे,
"आई, तू तर फक्त दुसऱ्याला गीता छान सांगू शकते पण त्यातील काही फॉलो करत नाही"
"का ग ,काय झालं मी काय केलं"-इति सुजाता
"अग काल तुच मला सांगितलं ना एखाद्या गोष्टीत वाहवत जायचं नाही पण तूच अभ्यासात वाहवत चालली आहेस.अग किती अभ्यास करते आहेस किती वाहवत चालली आहेस त्या अभ्यासात, इतकं पण वाहवत जाऊ नकोस" 🤣🤣🤣
