पर्णवी त्रास द्यायला लागली किंवा हट्ट करायला लागली की त्यापासून distract करायचं असेल तर सर्वात सोपा उपाय म्हणजे गोष्ट सांगणं. गोष्ट सांगतो म्हणालं की स्वारी एकदम खूष होऊन जाते. पण केव्हा केव्हा या गोष्टींचा संदर्भ जेव्हा रोजच्या आयुष्यात यायला लागला की मग त्यातून येणारे निरागस प्रश्न हे खूपदा निरुत्तर करतात.
खूप दिवसांपूर्वी सुजाता ने पर्णवीला बाप्पा ने सर्व प्राण्यांना कोण कोणते रंग कसे दिले याची गोष्ट सांगितली होती.त्या दिवशी तिला अचानक ती गोष्ट आठवली अन सुजाता ला म्हणे...
"आऊ....काऊ दादा ला बाप्पा ने जो काळा रंग दिलाय ना तो मला अजिबात आवडला नाहीये."
सुजाता : मग आता काय करूयात....एक काम कर स्वामी आजोबांकडे जा अन त्यांना सांग की काऊ दादा चा रंग बदलून टाका.
अस सांगितल्यावर देवघरात असलेल्या स्वामी समर्थांच्या फोटो समोर गेली अन डोळे बंद करून प्रार्थना करू लागली...
"स्वामी आजोबा....मला काऊ दादा चा काळा रंग आवडत नाहीये. तुम्ही काऊ दादा ला नवीन रंग द्यायचा आहे...ठीक आहे...Done".
प्रार्थना करून मग परत येऊन सुजाता ला म्हणे...."मी सांगितल आहे स्वामी आजोबांना....आता ते काऊ दादा चा रंग बदलून देतील"😊
सुजाता ने मला सांगितल्यावर दुसऱ्या दिवशी आम्ही गाडी वर चाललो होतो तेव्हा मी पर्णवी ला सहजच विचारलं..." चिकू, तू काल स्वामी आजोबांना काऊ दादा चा रंग बदलायला सांगितला होता ना.....आता कोणता रंग देणार आहेत?"
"हो....स्वामी आजोबांना मी सांगितल आहे"....अन स्वामी आजोबा म्हणाले.."पर्णवी....काऊ दादा ला आता orange color देतो".
मी : " मग झाला का काऊ दादा orange?
पर्णवी: नाही रे बाबा...स्वामी आजोबा अजून orange color बनवत आहेत...तो तयार झाला की मग काऊ दादा orange होणार."
थोडक्यात काय तर, बाबा ला येत्या काही दिवसात orange color चा कावळा शोधावा लागणार अस वाटत आहे.😂😂😂
0 Comments:
Post a Comment