सोमवार सकाळ म्हणजे युद्धजन्य सकाळ असते.वीकेंड चा hangover काही गेलेला नसतो त्यामुळे सोमवार म्हणजे एकदम alert मोड वर असतो.
आज सकाळी माझी आवरायची धावपळ सुरू होती.पर्णवी मात्र अगदी निवांत होती. शांतपणे आपलं खाण्यात गुंग होती.मी पूजा करून आलो अन ऑफिस साठी तयार होत होतो तर अचानक आदेश आला.
"बाबू...ए बाबू....इकडे ये..."
"हं.... बोल काय झालं..."
"ऐक ना....डोळे बंद कर अन खाली वाक...."
"का...काय झालं...."
"वाक ना रे बाबू....अन डोळे बंद...."
अजून उशिर नको म्हणून वाकलो अन डोळे बंद केले....तर इटूकला हात शर्ट च्या खिशात गेला...काहीं कळत नव्हतं काय करते आहे ते...
"हं... झालं...आता उघड डोळे..."
"का ग काय झालं..."अस म्हणत खिशात बघत होतो तोच म्हणे..
"तुझ्या खिशात ड्राय फ्रुट ठेवले आहे....ऑफिस मध्ये गेलास की आठवणी ने खा..."
पाहिलं तर तिला सकाळी दिलेल्या ड्राय फ्रुट मधील दोन मनुके अन एक काजू माझ्या खिशात टाकला होता.😍❤️😘
0 Comments:
Post a Comment