जेवताना ,चहा पिताना वा ज्यूस वगैरे पिताना हमखास कपड्याना थोडा थोडा नैवैद्य देणं हा अस्मादिकांचा जन्मसिद्ध हक्क.त्यामुळे वारसाहक्काने हे लेकीकडे पण आलं आहे.
मागच्या आठवड्यात लेकीला शाळेत इडली चटणी मिळाली होती अन सवयीने नॅपकिन वर चटणी सांडलेली होती.शाळेतून आल्यावर डबा काढताना सुजातच्या हे लक्षात आलं.त्यामुळे सुजाता पर्णवी ला विचारलं....
"काय ग...चटणी कशी काय सांडली...जरा नीट खायचं ना"
तर म्हणे...
"अग आऊ....ही वॉटर बॉटल आहे ना...हिच्यामुळे झालं हे....हीच लक्षचं नसत मुळी....मी तिला सांगितलं होत की जरा टिफिन वर लक्ष दे....तो काही सांडवेन तर बघ जरा...त्याला सांग की काही सांडवू नकोस... पण ती आहे ना त्या नॅपकिन सोबत फक्त गप्पा मारत बसते....माझं काही ऐकतच नाही....अन बघ बर आता सांडली ना चटणी ..."🤣🤣🤣
घ्या....काय बोलणार यांच्यापुढे? काही सांगायची सोय नाही....काही सांगायला जावं तर हे अशी हजरजबाबी उत्तर मिळतात.🙈🙊
0 Comments:
Post a Comment