वायरल मुळे मी दोनेक दिवस झोपून होतो म्हणून सकाळी आई मी उठल्यावर मला विचारत होती की आराम वाटतो आहे का ? त्रास होत असेल तर डॉक्टर कडे पुन्हा एकदा जाऊन ये.अस आमचं बोलणं सुरू होतं तेच पर्णवी आंघोळ करून आली म्हणे ...
"आजी...बाबा ला आता काही नाही झालं...तो तू आहेस म्हणून फक्त शायनिंग मारतोय... हा बाबा ना शायनर आहे..."
यानंतर मग मग आजी अन नाती मध्ये झालेलं हे गप्पाष्टक.
"शायनर... म्हणजे काय ग पर्णवी... मला तर इंग्रजी काही समजत नाही बघ..." इति आजी.
डोक्याला हात लावून मग पर्णवी...
"आजी...अगं काय हे...तुला इतकुसं पण माहीत नाही..."
"अग मला कुठे इंग्रजी येतंय ...मला तर मराठीच समजत..."
"आजी काय हे....तुला तर येतं की इंग्रजी... हे नाही का आता इंग्रजी बोलली .." 🤣🤣🤣
"अगं म्हणजे तू आता म्हणालीस ना बाबा शायनर आहे तर त्याचा अर्थ काय?"
"आजी...तुला माहितेये का अगं कालच्या छोट्या मुलाला पण माहीत आहे अन तुला माहीत नाही....त्या आजोबीला पण माहीत आहे आणि तुला माहीत नाही..."🤣🤣🤣🤣
0 Comments:
Post a Comment