पसारा पुराण नंतर सर्वात संवेदनशील मुद्दा रोज संध्याकाळी दप्तर म्हणजे स्कुल बॅग 😉 भरायची कोणी...अर्थात हे प्रकरण सुजाता अन पर्णवी अस दोघीं मध्येच असतं. मला ऑफीस वरून यायला उशीर होतो त्यामुळे मी येईपर्यंत मायलेकी मध्ये यावरून तू तू मी मी झालेली असते.कधी काळी जर चुकून लवकर आलो तर या तू तू मी मी चा साक्षीदार असतो.
दोनेक आठवड्यापूर्वी बॅग कोणी भरायची यावरून माय लेकी एकमेकांना ऑर्डर देत होत्या. अन त्यावरून वग नाट्याला सुरुवात झाली होती.
सुजाता: पर्णवी पटकन बॅग भरून घे.उशीर होतोय.आवर पटपट.
पर्णवी: आई...अस काय...मी नाही भरणार....तूच भर...
सुजाता: रोज मी भरते आज मी भरणार नाही...आज तुलाच भरायचं आहे
पर्णवी : अग पण मी आता ऐकलं ना तुझं...अभ्यास केला ना...मी पसारा पण आवरला...आता बॅग तरी तू भर...
सुजाता: नाही...मला काही ऐकायचं नाही....मी सांगितलं ना एकदा बॅग तुला च भरायची आहे..
एकंदरीत आई चा मूड बघून आपली काही डाळ शिजणार नाही हे एव्हाना पर्णवी मातेच्या लक्षात आलं होतं.मी आपलं माझ्या कामात डोकं खुपसल त्यामुळे हे काम माझ्या गळ्यात पडणार नाही याची काळजी घेतली.मला वाटलं होतं की आता गुपचूप जाऊन बॅग भरली जाईल पण झालं वेगळंच.
थोडा जरा विचार करून मग पर्णवी म्हणे आई आपण एक काम करू या...आज पासून एक नवा रुल एक वीक तू स्कुल बॅग भरायची अन एक वीक भरणार...ठीक आहे...चल प्रॉमिस... हेच डन...[आई ला काही एक बोलून द्यायच्या आधी प्रॉमिस वगैरे घेऊन डील पण डन 🤣🤣🤣🤣🤣]
पण हे प्रकरण काही इतक्यावर संपलं नव्हतं....वरचं सारं बोलून झाल्यावर काही एक क्षणांची शांतता अन मग लगेच पर्णवी म्हणे..
"आई..हे बघ आता ठरलं ना मग आता या वीक मध्ये तुझा टर्न आहे त्यामुळे तू स्कुल बॅग भरायची आहे अन नेक्स्ट वीक मध्ये माझा टर्न....ठीक आहे..."
अस बोलून साळसूदपणे पर्णवी ने हॉल मध्ये कल्टी मारली 🤣🤣🤣
0 Comments:
Post a Comment