काही दिवसांपूर्वी आधार कार्ड काढण्यासाठी लेकीला घेऊन पौड रोड च्या महा इ सेवा केंद्रात गेलो होतो.घरातुन निघताना आम्ही दोघे दंगा करतच निघालो होतो.पौड रोड ला पोहचेपर्यंत लेकीने मस्त झोप काढून घेतली.मला वाटलं होतं झोप झाल्यावर पर्णवी अगदी फ्रेश होईल पण झालं उलट च ती एकदम शांत होती.नेहमी प्रमाणे तिला हसवण्याचा प्रयत्न केला पण उपयोग शून्य. अन मग त्यानंतर चा आमचा हा संवाद 😊
मी: पर्णा ....काय झालं बच्चा?
पर्णवी : .......
मी : तू बोलत का नाही आहेस ?
पर्णवी : .........
मी : तुला भूक लागली आहे का?
पर्णवी: नाही
मी : मग काय झालं बच्चा...तू बोलत का नाहीस
पर्णवी : अरे बाबा ...मला टेन्शन आलंय
मी : ( हे ऐकून आता मला टेन्शन आलं) ऑ... तुला टेंशन आलंय.... टेन्शन म्हणजे काय रे बच्चा ?
पर्णवी : काय रे बाबा तुला टेन्शन पण माहीत नाही....टेन्शन म्हणजे टेन्शन रे...ते असत...
मी : बर....तुला कसलं टेन्शन आलंय?
पर्णवी : नाही माहीत.... पण ते असंच येत असत रे....
आमचं हे बोलणं सुरू होतं तेवढ्यात शिवशाही गाडी समोरून गेली...तोच पर्णवी मोठ्याने ओरडत....बाबा....बाबा ....ती बघ घोड्यांची गाडी...अन त्यानंतर मग आमची गाडी ट्रॅक वर आली अन पुन्हा मस्ती सुरु 😊😊😊
आता या एवढ्याशा जिवाला कसलं टेन्शन अन कसलं काय ....पण ती निरागसता हे सारं बोलताना ते मोठ्या माणसांरखे भाव खूप सुखावून जात होते....बाजूच्या एवढ्या गजबजाट ही हे सुख अगदी भर भरून अनुभवत होतो...अस वाटलं हे क्षण अशेच घट्ट पकडून मुठीत बंद करून ठेवावे. 😊
0 Comments:
Post a Comment