रोज रोज आमच्या गोष्टी ऐकून पर्णवी बोअर झाली म्हणून गोष्ट सांगण्याचं काम आजी वर सोपवलं. तेव्हा मग आजी ने सकू,मकू अन डिंगऱ्या ची गोष्ट सांगितली.त्या गोष्टी प्रमाणे सकू,मकू हे काम न करणारे तर डिंगऱ्या हा काम करणारा होता.त्यामुळे गोष्ट ऐकल्यावर डिंगऱ्या कोण सकू,मकू कोण हे पर्णवी च सुरू झालं होत. अगदी लहानशी काही गोष्ट केली तरी ...मी आता डिंगऱ्या...मी हे केलं....मी ते केलं...हे चालू झालं होत.
संध्याकाळी मी ,सुजाता अन पर्णवी अस आम्ही गाडीवर येत होतो तेव्हा अचानक पर्णवी च सुरू झालं....बाबू...तुला माहितये का....मी आणि आऊ डिंगऱ्या आहोत अन तू सकू मकू आहेस...मी अन आऊ सर्व काम करतो...तू तर काहीच करत नाहीस...
म्हणलं अस कस...उलट मीच जास्त काम करतो...मीच डिंगऱ्या आहे...तू काहीच करत नाहीस म्हणून तू सकू मकू...आऊ पण डिंगऱ्या आहे...
यानंतर मग आमचं डिंगऱ्या कोण यावर बराच वेळ तू तू मै मै सुरू होत. पण दोघांपैकी कोणीच माघार घेत नव्हतं.मग सुजाता ने मला साथ केली...तिने पण सांगितल...पर्णवी तूच सकू मकू अन आम्ही दोघे डिंगऱ्या...हुकुमाचा एक्का माझ्या बाजूने आल्यामुळे मी खूष होतो...पण माघार घेईल ती पर्णवी काय??...बाबाचा आनंद फार काळ टिकला नाही...कारण पर्णवी खूप वैतागली...अन म्हणाली....आपण तिघे डिंगऱ्या आहोत अन आजी आजोबा सकू मकू आहेत
यावर मी म्हणालो....अग पण आजी आजोबा पण काम करतात की ते कशे काय बर सकू मकू?
"अरे बाबा, तुला कस रे कळत नाही....आजी आजोबा म्हातारे आहेत...अन म्हातारे लोक कधीच काम करत नाहीत कारण ते म्हातारे असतात...म्हणून तर ते सकू मकू आहेत...समजलं का....अन आता done...आपणच डिंगऱ्या आहोत" 😂😂😂😂
अन पुन्हा एकदा लेकीने बाबा ला काही कळतच हे सिद्ध केलं. त्यामुळे बाबाला आता लवकरच लेकीकडे शिकवणी लावावी लागणार आहे.🤣🤣🤣🤣
0 Comments:
Post a Comment