शाळा !!

ऑनलाइन शाळा म्हणजे सध्या एक परीक्षा च झाली आहे... शाळेचा अभ्यास म्हणजे आपलीच शाळा झाली आहे.त्यात आताची शिक्षण पद्धती किंवा एखादी गोष्ट पूर्वी जशी सांगितली गेली अन आता त्यामध्ये झालेला बदल ही एक प्रकारे पालकांची परीक्षा आहे.

पर्णवी ची शाळा अन अभ्यास हे सुजाता च डिपार्टमेंट पण कधी कधी मग माझ्याकडे ही जबाबदारी येते अन तेव्हा मात्र धम्माल असते.कारण माझ्या सोबतचा अभ्यास किंवा शाळा गंमत जंमत करत सुरू असतो.सुरू झालं की मग बाबी तुझी शाळेची गंमत सांग, मला जरा energy दे म्हणजे...2 काजू,2बदाम अन 2 पिस्ता ही आमची energy... मग पाणी दे...जरा आराम करु का...इत्यादी इत्यादी सुरू असत अन मग या साऱ्यात शाळा नावाचं प्रकरण सुरू असत.

एक दोन आठवड्या पूर्वी आमची शाळा सुरू होती.इंग्रजी च noun प्रकार सुरू होता.त्यात एक उदाहरण म्हणून बाबा झोपल्यावर घोरत आहे असं उदाहरण होतं पण म्हणलं कशाला उगाचच बाबा ला बदनाम करायचं म्हणून समजवायला म्हणून मी पर्णवी ला म्हणालं..."आई रात्री झोपल्यावर घोरते..." तर पुढे काही पूर्ण करायच्या आधी लगेचच टोमणा बसला...."बाबा...अस चुकीचं नाही हं सांगायचं पुस्तकात सांगितलं आहे ना बाबा तर बाबाचं.... आई नाही बर घोरत..."😂😂🤣🤣😂

आता दुसरा प्रसंग त्यामध्ये दिवस अन रात्र याबद्दल होतं... त्यामध्ये वाक्य होतं रात्री अंधारात अवकाशात तारे असतात.म्हणून मी आपलं त्याबद्दल जुजबी जरा सांगायचं विचार करत होतो तेच पर्णवी माता जरा ध्यानात गेल्या त्यामुळे आता काय प्रश्न येतोय हा माझा विचार सुरू होता तेच लगेच म्हणे..."बाबी...असं नाहीये...दिवसा पण तारे असतात पण फक्त आपल्याला दिसत नाही म्हणजे किनई सूर्य बाप्पा चा खूप प्रकाश असतो ना त्यामुळे ते असतात पण आपण बघू शकत नाही...समजलं ना तुला..."

त्यानंतर मात्र मला दिवसा तारे दिसले 😂😂🤣