विकांताला गाडी सर्विसिंग ला जायचं होतं.शेपूट लगेचच म्हणाल मी पण येणार.आता नाही म्हणायचा काही प्रश्न नव्हताच.जाण्या येण्या दरम्यान भरपूर गप्पा झाल्या.गॅरेज वरून परत येताना मुद्दामच चालत आलो.चालत चालत आमच्या भरपूर गप्पा झाल्या.कोणत्याही विषयावर आम्ही किती वेळा गप्पा ठोकू शकतो.खूप साऱ्या गप्पा मधील हा लहानसा ट्रेलर 🤣🤣
"बाबा....तुला माहितये का....मला किनई दुसऱ्या जन्मात पंजाबी व्हायच आहे....तिसऱ्या जन्मात south indian व्हायच...चौथ्या जन्मात मी चिमणी होणार आहे....अन मग नंतर मी देवी होणार..." 🤣🤣🤣🤣
या आधी आम्ही ब्रिटीश अन मुगल किती चोर होते आपला भारत कसा लुटला अन किती त्रास दिला यावर बोलत त्यावरून अचानक गाडी इकडे सरकली.
मी हे ऐकल्यावर म्हणालो...."अरे वा म्हणजे तुला आत्ताच माहीत आहे तर तू काय होणार आहे...कसली हुशार आहेस ग?"
तोवर चेहरा विचारमग्न झाला होता अन मी बापुडा पूढे काय बॉम्ब पडतोय याचा विचार करत होतो.तोच म्हणे...
"बाबा..तुला सर्वात जास्त खायला काय आवडत....पंजाबी की south indian?"
"माझं असं काही नाही मला सगळंच खायला आवडतं फक्त veg असावं एवढंच आहे.."🤣🤣🤣 [ Veg की Non Veg यावर नेहमीच आमचं तू तू मै मै सुरू असत म्हणून एकदम safer side वर बोलावं लागतं]
"अस नाही बाबा...तुला सगळ्यात जास्त काय आवडतं ते सांग..."
"अरे बच्चा अस काही नाही... मला मूड असेल अन जे चांगलं असेल मग तस खातो मग ते पंजाबी असू दे किंवा south indian "
"अरे बाबा....काय रे तू पण...अस नाही...तुला जर एकच जर निवडायचं असेल तर काय?"
"मग अस असेल तर....South Indian मला जास्त आवडतं"
"मला तर बाबा...पंजाबी फार आवडत....छोले भटूरे तर कसले भारी ना..."
"हो का..."
"पण मी छोले भटूरे तर अजून एकदा पण खाल्ले नाही.... पण मला माहित आहे की ते खूप टेस्टी असणार..."
"त्यात काय इतकं...आपण पुढच्या वेळी खाऊ या की...आपली पुढची पार्टी याचीच करू..."
मी अस म्हणतोय तेच पुढून धमाकेदार उत्तर आलं...
"नको रे बाबा....आता जर छोले भटूरे खाल्ले तर दुसऱ्या जन्मात मी पंजाबी होणार आहे ना तेव्हा काय खाऊ???" 🤣🤣🤣🤣🤣🤣🤣🤣
